NBA-ის წინასასეზონო ეტაპი დაიწყო - გოლდენ სტეიტმა ვაშინგტონი დაამარცხა
ნაციონალური საკალათბურთო ასოციაცია წინასასეზონო ეტაპით დაგვიბრუნდა. პირველ შეხვედრაში მონაწილეობა NBA-ის მოქმედმა ჩემპიონმა, „გოლდენ სტეიტ უორიორსმა“ და „ვაშინგტონ უიზარდსმა“ მიიღეს, მატჩი კი იაპონიაში გაიმართა.
The @warriors take Game 1 of the #NBAJapanGames powered by the forceful play of James Wiseman!
— NBA (@NBA) September 30, 2022
Rui Hachimura: 13 PTS, 9 REB
James Wiseman: 20 PTS, 9 REB pic.twitter.com/3I6C1is81J
„გოლდენ სტეიტისა“ და „ვაშინგტონის“ დაპირისპირებამ დიდი ინტერესი გამოიწვია და ტრიბუნები სავსე იყო. შეხვედრა დაბალშედეგიანი გამოდგა და „უორიორსის“ გამარჯვებით დასრულდა. „მეომრებს“ არც ერთი მეოთხედი არ წაუგიათ და საბოლოოდ, 9 ქულით, 96:87 მოიგეს.
James Wiseman SHOWED OUT in the #NBAJapanGames
— NBA (@NBA) September 30, 2022
???? 20 PTS (8-11 FGM) | 9 REB pic.twitter.com/SJn1Y7q36g
„გოლდენ სტეიტის“ რიგებში საუკეთესო ჯეიმს უაიზმენი გახლდათ, რომელმაც 20 ქულა, 9 მოხსნა და 1 შედეგიანი გადაცემა მიითვალა. დივინჩენცომ 9 ქულა, 7 მოხსნა და 2 ასისტი გააკეთა. სტეფ კარიმ 13 წუთი ითამაშა და 6 ქულა დააგროვა, ენდრიუ უიგინსის ანგარიშზე კი 16 წუთში მოპოვებული 5 ქულა იყო. „ვაშინგტონის“ მაისურით 13 ქულითა და 9 მოხსნით რუი ჰაჩიმურა გამოირჩა. ბრედლი ბილმა და მონტე მორისმა 9-9 ქულა ჩააგდეს. ტაჯ გიბსონმა და დენიელ გაფორდმა კი - 8-8 ქულა მიითვალეს.
Donte DiVincenzo was HOOPING in his @warriors debut in the #NBAJapanGames! pic.twitter.com/SCX1YN60ts
— NBA (@NBA) September 30, 2022
ცნობისთვის, წინასასეზონო ეტაპის მომდევნო შეხვედრები 2 ოქტომბერს გაიმართება და ჩვენთვის საინტერესო ისაა, რომ სანდრო მამუკელაშვილის „მილუოკის“ ვიხილავთ, რომელიც „მემფისს“ დაუპირისპირდება.
