კვეკვესკირის და წიტაიშვილის ლეხი ვილიარეალთან 7-გოლიან თრილერში დამარცხდა
ევროპა ლიგის ჯგუფური ეტაპის პირველ ტურში „ვილიარეალმა“ პოზნანის „ლეხს“ უმასპინძლა და დრამატულ უხვგოლიან ბრძოლაში 4:3 დაამარცხა.
პოლონური კლუბის რიგებში სასტარტო შემადგენლობაში იმყოფებოდა ნიკა კვეკვესკირი, რომელიც მწვრთნელმა 90-ე წუთზე შეცვალა. საქართველოს ნაკრების შუახაზელს საგოლე იერიშებში აქტიური მონაწილეობა არ მიუღია.
რაც შეეხება გიორგი წიტაიშვილს, ის თადარიგში იყო და თამაშში 78-ე წუთზე ჩაერთო.
„ლეხი“ შეხვედრას 1:3-ს აგებდა, თუმცა გათანაბრება შეძლეს, მაგრამ 89-ე წუთზე პინოს გოლით „ვილიარეალმა“ მატჩი მაინც მოიგო.
C ჯგუფში „ვილიარეალისა“ და „ლეხის“ გარდა ვენის „აუსტრია“ და „აპოელ ბეერ შევა“ იმყოფებიან.
ქართველი ლეგიონერების გუნდი მეორე ტურში საკუთარ მოედანზე ვენის „აუსტრიას“ უმასპინძლებს.