პეპემ "ბეშიქთაში" აირჩია
ვეტერანი პორტუგალიელი მცველი პეპე თურქეთის ჩემპიონ "ბეშიქთაშს" თავისუფალი აგენტის სტატუსით შეუერთდა.
34 წლის უკანახაზელმა სტამბულელებთან 2+1 სისტემის კონტრაქტი გააფორმა და წლიურად მისი ხელფასი 4.5 მილიონი ევრო იქნება.
პეპემ "რეალის" შემადგენლობაში 10 სეზონი გაატარა და მისი ფორმით 300-ზე მეტი შეხვედრა ითამაშა.
"ბეშიქთაში" მომავალ სეზონში "ჩემპიონთა ლიგის" ჯგუფურ ეტაპზე იასპარეზებს.
