მარცხი ფინალში - სულამანიძემ ზაგრების გრან პრი ვერცხლის მედლით დაასრულა
ზაგრების გრან პრის დასკვნით დღეს, -100 კგ კატეგორიაში ილია სულამანიძე ფინალში ნიდერლანდელ მაიკლ კორელს დაუპირისპირდა და ვერცხლის მედალს დასჯერდა.
ბრძოლა დაძაბული გამოდგა. გადაწყვეტილების მისაღებად საქმეში არბიტრები ჩაერთვნენ. საბოლოოდ, გამარჯვება ნიდერლანდელს დარჩა.
სულამანიძემ მერვედფინალში გრიგორი მინასკინი დაამარცხა, ხოლო მეოთხედფინალში ყაზახ ნურლიხან შარხანს აჯობა და ნახევარფინალში გავიდა, სადაც პოლონელი მეტოქე იპონით დაამარცხა.
შეგახსენებთ, რომ -90 კგ კატეგორიაში ბექა ღვინიაშვილი ფინალურ ორთაბრძოლაში ბრაზილიელ რაფაელ მასედოს დაუპირისპირდა და ოქროს მედალი დამსახურებულად მოიპოვა.
