მარცხი წყვილთა თანრიგში - ბასილაშვილი უიმბლდონს საბოლოოდ დაემშვიდობა

უიმბლდონზე ერთეულთა თანრიგის პარალელურად წყვილებიც თამაშობენ. მერვედფინალში ნიკოლოზ ბასილაშვილისა და რადუ ალბოტის დუეტი კაბალი/ფარას ძლევამოსილ ტანდემს დაუპირისპირდა და სამწუხაროდ 3 სეტში 1:6 4:6 4:6 დამარცხდა.

პირველი სეტი ქართულ/ბელგიური წყვილისთვის საშინელი გამოდგა. ნიკოლოზმა და რადუმ 2 თავისი ჩაწოდება დათმეს და სეტიც ლოგიკურ დასასრულამდე მივიდა.

მეორე სეტში გულშემატკივრებმა თანაბარი ბრძოლა იხილეს. იმ დროს, როდესაც ანგარიში 3:3 იყო, კაბალმა და ფარამ ბრეიკი შეასრულეს, წინ გავიდნენ და სეტის მოგების შანსი ხელიდან არ გაუშვეს.

ანალოგიური სცენარით წარიმართა მესამე სეტიც. წყვილები საკუთარ ჩაწოდებაზე კარგად გამოიყურებოდნენ, თუმცა 2:2-ის დროს ბასილაშვილმა და ალბოტმა კარგად ვერ ითამაშეს და მეტოქემ გადამწყვეტი ბრეიკი შეასრულა. საბოლოოდ კვლავ 6:4. ქართველი ჩოგბურთელი უიმბლდონს კიდევ ერთხელ დაემშვიდობა.

შეგახსენებთ, რომ საქართველოს პირველი ჩოგანი ერთეულთა თანრიგში მესამე წრეში გავიდა, სადაც ვან რაიტჰოვენთან სამ სეტში დამარცხდა და ნოვაკ ჯოკოვიჩთან დაპირისპირების შანსი ხელიდან გაუშვა.