იოლი გამარჯვება - გენო პეტრიაშვილმა ოქროს მედალი მოიპოვა
Aa
Aa

იოლი გამარჯვება - გენო პეტრიაშვილმა ოქროს მედალი მოიპოვა

იტალიის დედაქალაქ რომში, თავისუფალი სტილით მოჭიდავეთა შორის, სარეიტინგო ტურნირი მიმდინარეობს. 125 კგ. წონით კატეგორიაში გენო პეტრიაშვილმა ოქროს მედალი მოიპოვა.

ფინალში ჩვენმა ფალავანმა პოლონელი რობერტ ბარანი 6:0 დაამარცხა და რომში საქართველს ჰიმნი ააჟღერა. 

ფინალამდე გენომ მერვედფინალში, გერმანიის სახელით მოასპარეზე კუდინოვიჩი 11:0 დაამარცხა. მეოთხედფინალში ქართველმა მოჭიდავემ ბერძენ აზამატ ხოსონოვს 12:1 სძლია და ნახევარფინალში ასპარეზობის უფლება მოიპოვა, სადაც უკრაინელი ხოციანივსკი დაამარცხა.

დღესვე ოქროს მედლის მოპოვების შანსი გივი მაჭარაშვილს ჰქონდა , რომელიც 97 კილოგრამ წონით კატეგორიის ფინალში სლოვაკეთის სახელით მოასპარეზე ბატირბეკ ცაკულოვთან დამარცხდა და ვერცხლის მედალს დასჯერდა.

ამავე წონაში საქართველოს დელეგაციას ბრინჯაოს მედალი ელიზბარ ოდიკაძემ მოუტანა, რომელმაც მედლისთვის ბრძოლაში პოლონელი ზბიგნიევ ბარანოვსკის 9:3 მოუგო.

იტალიაში ასევე საქართველოს სახელით იასპარეზებენ :

57 კგ - ბექა ბუჯიაშვილი და რობერტ დინგაშვილი

61 კგ - თეიმურაზ ვანიშვილი და გიორგი ღონიაშვილი

65 კგ - ბექა ლომთაძე და თორნიკე ქათამაძე

70 კგ - ზურაბ იაკობიშვილი

74 კგ - ოთარ ბაგაური და დიმიტრი ჯიოევი

79 კგ - ვლადიმერ გამყრელიძე, გიორგი სულავა და ევსემ შველიძე

86 კგ - სანდრო ამინაშვილი, ტარზან მაისურაძე და ზაურ ბერაძე

92 კგ - მირიან მაისურაძე და საბა ჩიხრაძე

მსგავსი სიახლეები

ცხელი ამბები
ასევე დაგაინტერესებთ
იპონი 23 წამით ადრე - საბა სამადაშვილი ევროპის ჩემპიონია
იპონი 23 წამით ადრე - საბა სამადაშვილი ევროპის ჩემპიონია