23 მილიონი 1-წლიან იჯარაში და 40 მილიონი გამოსყიდვის ვალდებულება - ბარსამ სევილიას მიმართა
„ბარსელონამ“ „სევილიას“ ჟიულ კუნდეს თაობაზე პირველი წინადადებით მიმართა.
Cope-ს ჟურნალისტი პოლ ალონსო წერს, რომ კატალონიელებმა ანდალუსიელებს კუნდეს 1-წლიანი იჯარის სანაცვლოდ 23 მილიონი ევრო შესთავაზეს, რასაც 2-წლიანი ვადით სავალდებულო გამოსყიდვის ვალდებულება და 40 მილიონი ევროს გადახდა ემატება. თანხას (40 მილიონი) „ბარსა“ ორი სეზონის განმავლობაში ეტაპობრივად დაფარავს. ჯამში კი „დალაქები“ 63 მილიონს მიიღებენ.
???? Oferta formal del Barça por Jules Koundé al Sevilla‼️
— Pol Alonso ????⚽ (@Polyccio8) June 23, 2022
???????? Cesión por 23M€ + opción de compra obligatoria de 40M€ [a pagar en 2 años]. (Vía @aPartidoUnico) #FCBlive #Barça #Mercato pic.twitter.com/s15qLi8iaQ
რამდენად დათანხმდება „სევილია“ ამას ეს ჯერჯერობით უცნობია.
როგორც მოგეხსენებათ, ფრანგმა ცენტრალურმა მცველმა, რომლისთვისაც „ჩელსი“ და „ნიუკასლი“ მზად არიან 90 მილიონი ევრო გადაიხადონ, შეაჩერა მოლაპარაკებები ინგლისურ კლუბებთან და ანდალუსიელთა ხელმძღვანელობას უთხრა, რომ მას მხოლოდ „ბარსელონაში“ გადასვლა სურს.
გასულ სეზონში 23 წლის კუნდემ „სევილიაში“ ყველა ტურნირზე 44 მატჩი ჩაატარა.
