შერმადინმა 3 წამით ადრე ჩააგდო და თავისი ყოფილი გუნდი გააგდო
ესპანეთის საკალათბურთო ჩემპიონატში რეგულარული სეზონის დასკვნითი ტურის შეხვედრები გაიმართა. გიორგი შერმადინის „ლენოვო ტენერიფემ“ ქართველის ყოფილ გუნდს „ანდორას“ 77:75 მოუგო.
აღსანიშნავია, რომ შეხვედრაში ბოლო წამზე შერმადინის ჩაგდებული ორქულიანით „ანდორა“ დამარცხდა და ლიგა ენდესადან გავარდა.
შეხვედრის დასრულებამდე 3.3 წამით ადრე „ტენერიფემ“ შეუტია და ბურთი შერმადინამდე მივიდა, ქართველმა ცენტრმა ლამაზი მოძრაობით მეტოქე ჩამოიშორა და ზუსტი ორქულიანი გაუშვა.
La canasta de Shermadini que ha dado el triunfo al @CB1939Canarias pic.twitter.com/HMLPhMM8Gk
— Gigantes del Basket (@GIGANTESbasket) May 14, 2022
რაც შეეხება უშუალოდ შერმადინის სრულ მონაგარს, გიომ პარკერზე 23:27 წუთი დაყო, 14 ქულა, 4 მოხსნა და 1 გადაცემა გაიფორმა. „ტენერიფემ“ სეზონი მე-5 ადგილზე დაასრულა და პლეი-ოფში ითამაშებს.
შერმადინის მარგი ქმედების კოეფიციენტი 18-ს გაუტოლდა და ქართველი ცენტრი ამ მხრივ თავის გუნდში საუკეთესო იყო.
პლეი-ოფში „ტენერიფეს“ მეტოქე მე-4 ადგილზე გასული „ხუვენტუტი“ იქნება. შეხვედრები 24 მაისს გაიმართება.