ალექსანდრე ფევაძე კარიერას ესპანეთში გააგრძელებს

საქართველოს ნაკრების კალათბურთელი, ალექსანდრე ფევაძე კარიერას ესპანეთის მეორე ლიგის გუნდ ტიზონაში გააგრძელებს. ინფორამცია კლუბმა ოფიციალურად დაადასტურა.

„ტიზონა“ 2026/2027 წლების სეზონისთვის შემადგენლობის ფორმირებას განაგრძობს და ადასტურებს ქართველი კალათბურთელის, ალექსანდრე ფევაძის ტრანსფერს, რომელიც ბურგოსში გუნდის ახალი პროექტის გასაძლიერებლად ჩამოდის.

ქართველი პერიმეტრის მოთამაშე ბურგოსში საქართველოს სუპერლიგაში, თბილისის თსუ-ს რიგებში ასპარეზობის შემდეგ გადმოდის. 2025/2026 წლების სეზონში მას გუნდის თამაშზე დიდი გავლენა ჰქონდა — საშუალოდ 29.7 წუთში იგი 15.3 ქულას, 7.6 მოხსნას, 3.2 შედეგიან გადაცემას, 1.6 ჩაჭრასა და 19.9 მარგი ქმედების კოეფიციენტს აგროვებდა. გარდა ამისა, მან სეზონი თამაშიდან 50.7%-იანი, სამქულიანებში 33%-იანი, ხოლო საჯარიმოებში 69.7%-იანი სიზუსტით დაასრულა.

ალექსანდრე ფევაძე ბურგოსში ჩადის, როგორც შესაბამისი გაბარიტებისა და გამოცდილების მქონე კალათბურთელი, რომელსაც თამაშის სხვადასხვა ასპექტში სარგებლის მოტანა შეუძლია. ფიზიკური მონაცემები მას პერიმეტრიდან თამაშისა და ფარის სიახლოვეს ბრძოლის საშუალებას აძლევს, ხოლო მისი ბოლოდროინდელი შედეგიანობა აჩვენებს, რომ მას ქულების მოპოვება, მოხსნებზე ბრძოლა, თამაშის გამწვავება და დაცვაში ინტენსივობის შენარჩუნება შეუძლია“, - ნათქვამია კლუბის მიერ გავრცელებულ განცხადებაში.

28 წლის ალექსანდრე ფევაძე ბოლოს საქართველოს სუპერლიგის გუნდს თსუ-ში თამაშობდა და გასულ სეზონში ჩემპიონატის MVP გახდა.