შენგელია კიდევ ერთი გრანდის რადარზე - როგორი იქნება კაპიტნის მომავალი

საქართველოს კალათბურთელთა ნაკრების კაპიტანი, თორნიკე შენგელია კიდევ ერთი ევროპული გრანდის ყურადღების ცენტრში მოექცა.

Encestando-ს მიერ გავრცელებული ინფორმაციით, ქართველი კალათბურთელის დამატებით ევროლიგის მოქმედი ჩემპიონი, ბერძნული „ოლიმპიაკოსი“ არის დაინტერესებული. დამატებითი ინფორმაცია ამ დროისთვის უცნობია, თუმცა სააგენტო წერს, რომ „ოლიმპიაკოსს“ შეუძლია შენგელიას გამოსასყიდი თანხის სრულად გადახდა, რომელიც 1 მილიონ ევროს შეადგენს.

საგულისხმოა, რომ „ოლიმპიაკოსის“ გარდა შენგელიას ევროლიგის კიდევ რამდენიმე გუნდს უკავშირებენ, მათ შორის „დუბაი ბასკეტბოლს“, „ფენერბაჰჩესა“ და „პარტიზანს“.

შენგელიამ, რომელსაც ოქტომბერში 35 წელი უსრულდება, მოსკოვის ცსკა-სთან, ბოლონიის „ვირტუსთან“ და „ბასკონიასთან“ ერთად არაერთხელ გახდა ქვეყნის ჩემპიონი, ევროლიგის თასის აღმართვა ვერცერთხელ მოახერხა. შესაბამისად, კონტინენტის მთავარი ტიტულისთვის ბრძოლის კიდევ ერთმა შესაძლებლობამ მის გადაწყვეტილებაში შესაძლოა მნიშვნელოვანი როლი ითამაშოს.