„ჩემი მომდევნო მსხვერპლი ხარ“ - თოფურიასა და ევლოევის დაპირისპირება გრძელდება
სოციალურ ქსელებში UFC-ის ქართველი და რუსი მებრძოლების, ილია თოფურიასა და მოვსარ ევლოევის დაპირისპირება გრძელდება. „ელ მატადორმა“ „ტვიტერის“ საკუთარ გვერდზე პოსტი გამოაქვეყნა და ევლოევს მიმართა.
„მოვსარ, დარწმუნდი, რომ მომდევნო ჩხუბს მოიგებ! შენ ჩემი მომდევნო მსხვერპლი ხარ“.
@MovsarUFC make sure you win your next fight! you are my next prey ⚔️????
— Ilia Topuria (@Topuriailia) May 9, 2022
თოფურიას სიტყვები ევლოევს უპასუხოდ არ დაუტოვებია და ილიას სოციალურ ქსელში გამოეხმაურა: „დარწმუნდი, რომ წონას ჩააბარებ და ტოპ 10-ში შეხვალ, სანამ ყურადღებას მოგაქცევ რეგვენო“.
Make sure you make weight and enter top 10 before I will even pay attention fathead https://t.co/qeP336L3jq
— Movsar Evloev (@MovsarUFC) May 9, 2022
შეგახსენებთ, რომ ევლოევსა და თოფურიას რამდენიმე თვის წინ უნდა ეჩხუბათ, მაგრამ რუსმა მებრძოლმა ოქტაგონზე გასვლაზე უარი კორონავირუსით ინფიცირების გამო თქვა. მის ნაცვლად ილია შარლ ჟურდენს უნდა შეხვედროდა, მაგრამ ექიმებმა წონის კლების პროცესის შეწყვეტა მოსთხოვეს.