ალექსანდრეს დაბრუნება ოფიციალურად დადასტურდა | კატარში პროხაზკაც იჩხუბებს
ალექსანდრე თოფურია 21 ნოემბერს, კატარში გასამართ ღონისძიებაზე იჩხუბებს. საბრძოლო ორგანიზაციამ ოფიციალურად დაადასტურა, რომ „ელ კონკისტადორი“ სანტიაგო ლუნას დაუპირისპირდება და ამავე ღონისძიების სხვა მონაწილეების ვინაობაც ცნობილი გახდა.
მთავარი მოვლენა ქვემძიმე წონითი დივიზიონის ჩხუბია, რომელშიც ირჟი პროხაზკა ნავახო სტირლინგს დაუპირისპირდება. ქვემსუბუქ წონაში ალჯამეინ სტერლინგი საუკეთესოს ვინაობას კევინ ვალეხოსის წინააღმდეგ გაარკვევს, ხოლო მსუბუქ წონაში დენ ჰუკერი ბრაიან ორტეგას შეხვდება.
უმსუბუქეს წონაში კიოჯი ჰორიგუჩი იჩხუბებს, ვისი მეტოქეც ასუ ალმაბაიევია. საშუალო წონაში ჯარედ კანონიერი ისლამ ალისკეროვს შეხვდება. მძიმე წონაში დაბრუნდება შამილ გაზიევი, რომელიც ტალისონ ტეიშეირასთან იასპარეზებს, ხოლო ამირ ალბაზი ალესანდრო კოსტას ეჩხუბება.
QATAR GET READY FOR A GOOD ONE ???????? #UFCQatar looking absolutely STACKED! ????????
— UFC (@ufc) September 29, 2026
????️???? Tickets on sale October 9, register your interest at link in bio
[ LIVE NOV 21 on @ParamountPlus ] pic.twitter.com/akdaUuh5b9
ცნობისთვის, ალექსანდრეს მეტოქე ლუნა მექსიკელი მებრძოლია, რომელსაც კარიერაში გამართული ცხრა ორთაბრძოლიდან რვა მოგებული აქვს. მან სამჯერ ნოკაუტით მოიგო, ოთხჯერ — მახრჩობელა/მტკივნეული ილეთით (საბმიშენით), ხოლო ერთხელ — მსაჯების ერთსულოვანი გადაწყვეტილებით.
