ოფიციალურად: ჰუნტელაარი "აიაქსში" დაბრუნდა

ვეტერანი ჰოლანდიელი ფორვარდი, კლაას-იან ჰუნტელაარი, თავის ყოფილ კლუბ "აიაქსს" დაუბრუნდა.

მას "შალკესთან" კონტრაქტის ვადა ამოეწურა და ამსტერდამელებს თავისუფალი აგენტის სტატუსით შეუერთდა.

ჰუნტელაარი "აიაქსის" რიგებში 2006-2008 წლებში თამაშობდა და 136 შეხვედრაში 105 გოლი გაიტანა.

გამოცდილი ცენტრფორვარდი კარიერის მანძილზე სხვა გუნდებთან ერთად, მადრიდის "რეალისა" და "მილანის" ღირსებას იცავდა.

33 წლის ჰუნტელაარმა "აიაქსთან" 1 წლიანი ხელშეკრულება გააფორმა.