კეინმა ლუკაკუს გადასწრო

გუშინ პრემიერ ლიგაში ერთი შეხვედრა ჩატარდა, რომელშიც "ტოტენჰემმა" სტუმრად "ლესტერს" 6:1 გადაურბინა.

ლონდონელთა მხრიდან ჰარი კეინმა 4 გოლი გაიტანა და ბომბარდირთა დავაში დაწინაურდა. მან 26 ბურთი მოაგროვა და რომელუ ლუკაკუს 2 ბურთით გადაასწრო.

ბოლო ტურში "ტოტენჰემი" სტუმრად გავარდნილ "ჰალს" შეხვდება, ხოლო "ევერტონი" ასევე გასვლაზე "არსენალს" დაუპირისპირდება.

ასე რომ, კეინს დიდი შანსი აქვს პრემიერ ლიგის საუკეთესო ბომბარდირი ზედიზედ მეორედ გახდეს.