"რეალის" მორიგი რეკორდი
"ჩემპიონთა ლიგის" 1/4 ფინალში "ბაიერნთან" მოგებული ორრაუნდიანი დაპირისპირების შედეგად, მადრიდის "რეალმა" მორიგი საერთაშორისო რეკორდი დაამყარა.
საქმე ისაა, რომ "რეალი" გახდა პირველი კლუბი, რომელმაც ზედიზედ 7-ჯერ შეძლო "ჩემპიონთა ლიგის" 1/2 ფინალში გასვლა.
"სამეფო კლუბმა" ტურნირის ამ სტადიამდე მიღწევა ბოლოს 2009-2010 წლების სეზონში ვერ მოახერხა. მაშინ ის 1/8 ფინალში ფრანგულმა "ლიონმა" დაამარცხა.