რამდენიმე კვირას გამოტოვებს - ვარანი ტრავმირებულია
ერთა ლიგის ფინალში საფრანგეთი ესპანეთს დაუპირისპირდა და 2:1 დაამარცხა. მატჩი საკმაოდ დაძაბული და სანახაობრივი გამოდგა. „მამლებისთვის“ და „მანჩესტერ იუნაიტედისთვის“ ერთი არასასიამოვნო ფაქტი დაფიქსირდა.
შეხვედრის 43-ე წუთზე რაფაელ ვარანმა დაზიანება მიიღო და მოედანი ნაადრევად დატოვა. „წითელი ეშმაკების“ უკანახაზელი დეშამმა უპამეკანოთი ჩაანაცვლა. ერთი შეხედვით ტრავმა სერიოზული არ ჩანდა.
დღეს, „მანჩესტერ იუნაიტედის“ ოფიციალურმა ვებ-საიტმა გვამცნო, რომ რაფაელი რამდენიმე კვირას გამოტოვებს. „ვარანმა ერთა ლიგის ფინალში საზარდულის კუნთი დაიზიანა და ახლა რეაბილიტაციას გადის. ის რამდენიმე კვირაში დაბრუნდება.“ - წერია ოფიციალურ განცხადებაში
ℹ️ The latest on the injury sustained by @RaphaelVarane in the #NationsLeague final ????#MUFC
— Manchester United (@ManUtd) October 12, 2021
შეგახსენებთ, რომ ფრანგი მსოფლიოს ჩემპიონი მანჩესტერულ გრანდს მიმდინარე წლის ზაფხულში მადრიდის „რეალიდან“ 45 მილიონი ევროს სანაცვლოდ შეუერთდა. დღემდე, ვარანმა „წითელი ეშმაკების“ მაისური ყველა ტურნირზე ერთად 7-ჯერ მოირგო და 1 საგოლე გადაცემა შეასრულა.
გამოიწერეთ ჩვენი Youtube არხი
