გელაშვილი იბერიადან წავიდა | კარიერას საბერძნეთში გააგრძელებს

„იბერიას’’ მცველი ივა გელაშვილი კარიერას საბერძნეთში, „პანსერაიკოსში’’ გააგრძელებს. 24 წლის ფეხბურთელმა კლუბთან ორწლიანი კონტრაქტი გააფორმა. ინფორმაცია კლუბმა ოფიციალურად დაადასტურა.

გელაშვილი პრაღის „სპარტას'' აღზრდილია, პრაღული კლუბის B გუნდში თამაშობდა. 2022 წელს კარიერა ბათუმის „დინამოს'' დაუკავშირა, იჯარით ბოლნისის „სიონსა'' და „იბერიაში'' ითამაშა. 2023-24 წლების სეზონი, ასევე იჯარით, იტალიის სერია B-ს „სპეციაში'' გაატარა, 10 მატჩში 1 გოლი გაიტანა, გუნდი რანგით მესამე ლიგაში გავარდა და 2024 წლის ზაფხულში გელაშვილი საქართველოში დაბრუნდა.

მიმდინარე სეზონში კრისტალბეთ ეროვნული ლიგის 18 მატჩში 2 გოლი გაიტანა და 1 საგოლე პასი შეასრულა. ჩემპიონთა ლიგის პირველ საკვალიფიკაციო ეტაპზე „მალმიოსთან'' თბილისურ შეხვედრაში ითამაშა (1:3).

საქართველოს 17, 19 და 21-წლამდე ნაკრებებში რეგულარულად თამაშობდა. ვილი სანიოლმა ეროვნულ ნაკრებში ორჯერ ათამაშა, ამხანაგურ მატჩებში, ტაილანდთან და კაპო ვერდესთან.