Aa Aa
23 ივლისი 2021  |  20:23

რეკორდული მატჩი და გორგოძის დრამატული მარცხი 1/4-ფინალში

პოლონეთის ქალაქ გდინიაში მიმდინარე საერთაშორისო ტურნირზე (საპრიზო ფონდი 235 238 დოლარი) ეკატერინე გორგოძე მეოთხედფინალურ ეტაპზე დრამატული ბრძოლის შედეგად დამარცხდა.

29 წლის ქართველი ჩოგბურთელი გამარჯვებასთან ძალიან ახლოს იყო, თუმცა 4 მატჩ პოინტი ვერ გამოიყენა და სლოვაკ კრისტინა კუცოვასთან დამარცხდა. გამარჯვების შემთხვევაში გორგოძე კარიერის საუკეთესო შედეგს დააფიქსირებდა.

გორგოძემ პირველი სეტი ტაიბრეიკზე 7:6 (7:4) მოიგო, მომდევნო ორი სეტის ბედი ასევე ტაიბრეიკზე გადაწყდა - 6:7 (7:9), 6:7 (3:7).

გადამწყვეტი მე-2 სეტი იყო, რომლის ბოლოსაც ეკოს 4 მატჩ-პოინტი ჰქონდა, თუმცა ვერცერთის გამოყენება ვერ შეძლო.

შეხვედრა რეკორდული გამოდგა. მიმდინარე წელს, ქალთა ტურნირებზე მსგავსი ხანგრძლივობის დაპირისპირება არ დაფიქსირებულა. ეკომ და კუცოვამ კორტზე 3 საათი და 55 წუთი გაატარეს.

ბოლო სეტშიც, გორგოძე 6:5-ზე აწვდიდა, თუმცა უკუბრეიკი მიიღო, რის შემდეგაც სლოვაკმა სადავეები ხელთ იგდო.

ბოლოს გეტყვით, რომ ეკო გორგოძე პოლონეთის გდინიას ტურნირზე წყვილთა თანრიგში ოქსანა კალაშნიკოვასთან ერთად თამაშობს. ქართული დუეტი ნახევარფინალშია გასული.

გაზიარება:

მსგავსი სიახლეები

ცხელი ამბები

ეს გვერდი უკეთ ჩანს მობილურ აპლიკაციაში