მაურისიო პოჩეტინოს კორონავირუსი დაუდასტურდა
„პარი სენ-ჟერმენის“ მთავარ მწვრთნელს, მაურისიო პოჩეტინოს კორონავირუსი დაუდგინდა. ეს ინფორმაცია ფრანგულმა გრანდმა გაავრცელა და ოფიციალური განცხადება გამოაქვეყნა, რომელშიც ვკითხულობთ:
„პსჟ-ს მთავარ მწვრთნელს, მაურისიო პოჩეტინოს Sars-Cov2 PCR ტესტის შემდეგ Covid-19 დაუდასტურდა. იგი იზოლაციაში გადავა და ჯანმრთელობის პროტოკოლის მიხედვით იმოქმედებს.
Paris Saint-Germain coach Mauricio Pochettino has tested positive for COVID-19.
— Paris Saint-Germain (@PSG_English) January 15, 2021
He will therefore enter isolation and is subject to the appropriate health protocols.
His assistants Jesus Perez and Miguel D’Agostino, will take over for tomorrow's match in Angers
ხვალინდელ შეხვედრაში, რომელსაც პარი სენ-ჟერმენი ანჟერის წინააღმდეგ გამართავს, გუნდს მისი ასისტენტები, ხესუს პერესი და მიგელ დაგოსტინო გაუძღვებიან“.
შეგახსენებთ, რომ ახლახან მაურისიო პოჩეტინომ სამწვრთნელო კარიერაში პირველი ტიტული მოიგო. არგენტინელი სპეციალისტის პსჟ-მ საფრანგეთის სუპერთასი დაისაკუთრა და გადამწყვეტ შეხვედრაში „მარსელს“ სძლია. პარიზელებმა ნეიმარისა და იკარდის გოლების წყალობით იმარჯვეს და ქვეყნის სუპერთასი ზედიზედ მერვედ მოიპოვეს.