მაიამიმ ბოსტონი დაამარცხა და გადამწყვეტ სერიაში ლეიკერსს დაუპირისპირდება
ლოს-ანჯელეს „ლეიკერსს“ საჩემპიონო ბეჭდებისთვის „მაიამი ჰიტი“ შეერკინება. ერიკ სპოელსტრას გუნდმა აღმოსავლეთ კონფერენციის ფინალური სერიის მეექვსე შეხვედრაში „ბოსტონი“ 125-113 დაამარცხა და ლებრონ ჯეიმსსა და კომპანიას დაუპირისპირდება.
„სელტიქსისა“ და „ჰიტის“ ჯახის საწყისი სამი მეოთხედი ქულა ქულაში წარიმართა და კომფორტული უპირატესობის მოპოვებას ვერცერთი გუნდი ახერხებდა. „ბოსტონმა“ მეოთხე თორმეთწუთეულის სტარტზე გაქცევა მოაწყო და 6 ქულით დაწინაურდა, თუმცა გადამწყვეტ მომენტში „მაიამი“ მეტოქეზე ერთი თავით მაღლა იდგა. ფლორიდელებმა ბოლო 9 წუთი 35-17 მოიგეს და კითხვის ნიშნები არ დაუტოვებიათ.
RAISE IT WITH US #HEATTWITTER pic.twitter.com/kFSJe1TnCu
— Miami HEAT (@MiamiHEAT) September 28, 2020
მეოთხე მეოთხედში „მაიამის“ გაქცევის სულისჩამდგმელები ბემ ადებაიო და ტაილერ ჰირო იყვნენ. ამ უკანასკნელმა გადამწყვეტ თორმეთწუთეულში 11 ქულა ჩააგდო, მატჩი კი 19 ქულით, 5 მოხსნითა და 7 ასისტით დაასრულა. ადებაიოს რაც შეეხება, მან 32 ქულა, 14 მოხსნა და 5 ასისტი მიითვალა და ლებრონ ჯეიმსის შემდეგ „მაიამის“ პირველი კალათბურთელია, ვინც პლეიოფის შეხვედრაში მინიმუმ 30 ქულა, 10 მოხსნა და 5 შედეგიანი გადაცემა გაიფორმა.
BABY GOAT LIVES FOR THESE MOMENTS
— Miami HEAT (@MiamiHEAT) September 28, 2020
???????? pic.twitter.com/NfLh0GfHn8
ადებაიოსა და ჰიროს 22 ქულითა და 8 ასისტით ჯიმი ბატლერი დაეხმარა. ანდრე იგუდალამ 5-დან 5 ბურთი ჩააგდო და 15 ქულას დასჯერდა, ხოლო დანკან რობინსონი და გორან დრაგიჩი 15 და 13 ქულით გამოირჩნენ.
Go inside the locker room and hear from your Eastern Conference Champion Miami HEAT right now on the #HEATLive postgame show
— Miami HEAT (@MiamiHEAT) September 28, 2020
Live stream - https://t.co/TCvj7PnFWj (or @FoxSportsHEAT ????) pic.twitter.com/K9oweHrkxo
„ბოსტონის“ რიგებში 20-ქულიანი ნიშნული 4-მა კალათბურთელმა გადალახა. 26 ქულით საუჯეთესო ჯეილენ ბრაუნი იყო. ჯეისონ ტეიტუმმა 24 ქულა, 11 ასისტი და 7 მოხსნა გააკეთა. მარკუს სმარტმა თავი 20 ქულასა და 8 მოხსნას მოუყარა. კემბა უოკერი კი 20 ქულასა და 5 ასისტს დასჯერდა.
შეგახსენებთ, რომ „ლეიკერსისა“ და „მაიამის“ პირველი შეხვედრა 1-ელ ოქტომბერს, თბილისის დროით 05:00-ზე დაიწყება.