ბითაძე ვაშინგტონთან მატჩს გამოტოვებს
„ინდიანა პეისერსის“ კალათბურთელი, გოგა ბითაძე „ვაშინგტონ უიზარდსის“ წინააღმდეგ გასამართ შეხვედრას გამოტოვებს. „პეისერსის“ რეპორტიორების, სკოტ აგნესისა და ჯეი მაიკლის ინფორმაციით, ბითაძემ ვარჯიშში მონაწილეობა მიიღო და პროგრესის გზაზეა, თუმცა „ვაშინგტონთან“ მაინც იუქმებს.
ჯეი მაიკლი „ინდიანას“ თავკაცის, ნეით მაკმილანის განცხადებასაც ავრცელებს, რომლის მიხედვითაც, გოგა ვარჯიშზე უკეთ გადაადგილდებოდა და 5-5-ზე კალათბურთიც ითამაშა. მაკმილანი ვარაუდობდა, რომ ბითაძეს „უიზარდსთან“ თამაშის შანსი ჰქონდა, მაგრამ გოგა თავის გუნდს ვერ დაეხმარება.
McMillan says Bitadze (knee) has moved better and played some full court but still has soreness #Pacers
— J. Michael (@ThisIsJMichael) August 2, 2020
ქართველ ცენტრს მუხლი აწუხებს და პარკეტზე გასვლას ვერ ახერხებს. არადა დომანტას საბონისის ტრავმის გამო ბითაძის სათამაშო დრო გაიზრდებოდა და მას თავის გამოჩენის კარგი შანსი მიეცემოდა.
შეგახსენებთ, რომ „ინდიანამ“ სეზონის განახლების შემდეგ, პირველი შეხვედრა „ფილადელფია სევენთი სიქსერსის“ წინააღმდეგ გამართა და მეტოქე 127-121 დაამარცხა. „ვაშინგტონთან“ მატჩის შემდეგ კი „პეისერსი“ „ორლანდო მეჯიქს“ შეხვდება.