მსოფლიოს 2-გზის ჩემპიონი წყალქვეშ გარდაცვლილი იპოვეს
32 წლის სპორტსმენი ალექს პულინი ავსტრალიის სანაპიროსთან ოკეანეში გარდაცვლილი იპოვეს.
გავრცელებული ინფორმაციით, სნოუბორდ ქროსში მსოფლიოს ორგზის ჩემპიონი წყალქვეშა ნადირობის მოყვარული იყო. პალმ ბიჩის სიახლოვეს ნადირობისას კი მისი კვალი დაიკარგა.
პულინს 8 ივლისის დილიდან ეძებდნენ. მყვინთავებმა საბოლოოდ მისი ცხედარი იპოვეს, რომელსაც ჟანგბადის ნიღაბი არ ეკეთა.
Two-time world champion snowboarder Alex Pullin has died while spearfishing in his native Australia.https://t.co/iy0ru8eXJE pic.twitter.com/LcBGyzZmdp
— BBC Sport (@BBCSport) July 8, 2020
ალექს „Chumpy“ პულინი 2014 წელს სოჭის ოლიმპიადაზე ავსტრალიის მედროშე გახლდათ.
ადგილობრივ მედიას პოლიციამ განუცხადა, რომ როგორც ჩანს, პულინი იმ მომენტში მარტო ნადირობდა:
„მას, იმ მომენტში ჟანგბადის ნიღაბი თან არ ჰქონდა. ვიცით, რომ იგი წყალქვეშ თევზებზე მარტო ნადირობდა ხოლმე“.
პულინი წყალქვეშა ნადირობის ამსახველ ფოტოებს სოციალურ ქსელშიც აქვეყნებდა ხოლმე. ერთ-ერთი ასეთი ბოლო პოსტი მან 26 ივნისს დადო.