ევროლიგის სეზონის 10 საუკეთესო მომენტი - შენგელიასა და ჯენინგის გმირობა რჩეულთა შორის
ესპანურმა გამოცემა Gigantes del Basket-მა ევროლიგის 2019-20 წლების სეზონის 10 საუკეთესო მომენტი დაასახელა. რჩეულთა შორის საქართველოს ნაკრების კალათბურთელების, მეტ ჯენინგისა და თორნიკე შენგელიას ბრწყინვალე თამაშიც მოხვდა, რომელიც მათ „ალბას“ წინააღმდეგ აჩვენეს.
„ბასკონიას“ მეტოქის დასამარცხებლად 3 წამი სჭირდება. ვიტორიელებს ბოლო წლების ერთ-ერთი ყველაზე რთული სეზონი აქვთ. სეზონის სტარტზე მათ ბევრი შეხვედრა წააგეს და გადამწყვეტ მომენტებში სტაბილურობით არ გამოირჩევიან, თუმცა მათ წინააღმდეგ მოდუნება მაინც არ შეიძლება. ეს 6 მარტსაც დამტკიცდა, როცა „ბასკონიას“ „ალბა“ ესტუმრა.
მეტ ჯენინგის სამიანისა და თორნიკე შენგელიას გადამწყვეტი დაფარების შემდეგ, ბასკებმა გამარჯვება მოიპოვეს, რამაც ბასკონიელები ამ რთულ სეზონში ძალიან გაახარა, - წერს Gigantes del Basket.
???? Euroleague Highlights
— Saski Baskonia (@Baskonia) April 13, 2020
└ ???? vs. Alba Berlin
└ ???? Matt Janning
└ ???? Winning plays ???????? pic.twitter.com/upHrqBqcsm
???? @Euroleague Highlights
— Saski Baskonia (@Baskonia) April 30, 2020
└ ???? vs. Alba Berlin
└ ???? Toko Shengelia
└ ???? game-winning blocks ???? ???? pic.twitter.com/wgYCnKj1VZ
შეგახსენებთ, რომ გუშინ, ევროლიგამ ოფიციალურად დაადასტურა, რომ კორონავირუსის პანდემიის გამო მიმდინარე სეზონი გაუქმდა. აღმასრულებელი საბჭოს წევრებს შორის გამართული ვიდეოკონფერენციის შემდეგ, ევროლიგისა და ევროთასის სეზონი ნაადრევად დასრულდა.