თანადგომა ინფიცირებულ თანაგუნდელებს - პოგბას და ლინდელოფის ღირსეული ჟესტი
''მანჩესტერ იუნაიტედის'' ნახევარმცველმა პოლ პოგბამ instagram-ზე ვიდეო ატვირთა, რომელშიც ფეხბურთელი ''იუვენტუსის'' ნახევარმცველის, ბლეზ მატუიდის მაისურით ინდივიდუალურად ვარჯიშობს.
''PP არენა ღიაა 24/7-ზე'' - ხუმრობით აღნიშნავს პოლ პოგბა.
პოგბა უერთდება კამპანიას ''დარჩი სახლში'' და ყველას მოუწოდებს გარეთ გასვლისგან თავი შეიკავონ. ასევე, ფეხბურთელი აღნიშნავს, რომ მატუიდის მაისურის ჩაცმით მას თანადგომას უცხადებს. პოგბასთან ერთად ვიქტორ ლინდელოფი ალბინ ეკდალის მაისურით ვარჯიშობს.
შეგახსენებთ, მატუიდისა და ეკდალს კორონავირუსი დაუდგინდათ. მატუიდი და პოგბა ტურინულ კლუბში თანაგუნდელები იყვნენ, ამავდროულად საფრანგეთის ეროვნულ გუნდში ასპარეზობენ, ხოლო ლინდელოფი და ეკდალი შვედეთის ეროვნულ გუნდში გამოდიან.
შეგახსენებთ, პოლ პოგბა ''იუვენტუსში'' 2012-16 წლებში ასპარეზობდა და ტურინულ გუნდთან ერთად იტალიის ჩემპიონი ოთხჯერ გახდა.
ბრიტანული მედიის ცნობით მსოფლიოს ჩემპიონმა შესაძლოა 2020 წლის ზაფხულში ''ოლდ ტრაფორდი'' დატოვოს. Sun-ის ცნობით ზაფხულში ფრანგისა და ინგლისური გრანდის გზები გაიყოფა და პოგბა მეორედ დაემშვიდობება მანჩესტერულ კლუბს.