NBA – კავაის გარეშე „კლიპერსი“ „მილუოკისთან“ დამარცხდა - „იუტამ“ „ფილადელფიას“ მოუგო
კლიპერსი - მილუოკი 124 - 129
ლოს-ანჯელეს „კლიპერსის“ მთავარი მწვრთნელი, დოკ რივერსი „ტორონტო რეპტორსის“ მაგალითს მიჰყვება და კავაი ლეონარდს უფრთხილდება. გამთენიისას 28 წლის კალათბურთელმა კიდევ ერთი საკმაოდ საინტერესო შეხვედრა გამოტოვა.
კავაის გარეშე მოასპარეზე „კლიპერსი“ საკუთარ კედლებში „მილუოკის“ დაუპირისპირდა და მრისხანე მეტოქეს დიდი ბრძოლა გაუმართა, თუმცა სასურველი შედეგი ვერ დააფიქსირა.
როგორც მოსალოდნელი იყო „მილუოკის“ იანის ანტეტოკოუნმპომ ულიდერა, რომელმაც 38 ქულა, 16 მოხსნა და 9 შედეგიანი გადაცემა გაიფორმა. „ბაქსის“ ბერძენი მსუბუქი ფორვარდი NBA-ის ისტორიაში პირველი კალათბურთელია, რომელმაც სეზონის საწყის 8 შეხვედრაში მინიმუმ 200 ქულა, 100 მოხსნა და 50 შედეგიანი გადაცემა მიითვალა.
The best from The Greek Freak:
— Milwaukee Bucks (@Bucks) November 7, 2019
38 PTS | 16 REB | 9 AST | 2 BLK | 2 STL pic.twitter.com/75NGqBanWE
იანისის გარდა 24 ქულით ჯორჯ ჰილი გამოირჩა. ერიკ ბლედსოუმ 20 ქულა გაიფორმა. ბრუკ ლოპესმა კი 11 ქულასთან ერთად 12 მოხსნა დააგროვა.
Top plays as the Bucks improve to 6-2!!#FearTheDeer pic.twitter.com/2rENcoL5AB
— Milwaukee Bucks (@Bucks) November 7, 2019
„კლიპერსის“ 124 ქულიდან 88 სამმა კალათბურთელმა ჩააგდო. უილიამსმა და ჰერელმა 34-34 ქულა მიითვალეს. პატრიკ ბევერლიმ კი 20 ქულა დაიბევა.
Dunk so nice, let's watch it twice. ???? pic.twitter.com/oB63AOOCy4
— LA Clippers (@LAClippers) November 7, 2019
იუტა - ფილადელფია 106 – 104
ზედიზედ ორი მარცხის შემდეგ, „იუტა ჯაზმა“ როგორც იქნა გაიმარჯვა და საკუთარ კედლებში „ფილადელფია“ დაამარცხა. „სიქსერსის“ ქომაგთა სამწუხაროდ მათი გუნდის ერთ-ერთმა ლიდერმა, ბენ სიმონსმა მიკროტრავმა მიიღო და „ფილას“ მატჩის დიდი ნაწილის 23 წლის მსუბუქი ფორვარდის გარეშე ჩატარება მოუწია, რაც შედეგზეც აისახა.
„იუტას“ 24 ქულით დონოვან მიჩელმა ულიდერა. ბოიან ბოგდანოვიჩმა აქტივში 20 ქულა და 6 მოხსნა ჩაიწერა. ჯო ინგლსი 16 ქულას დასჯერდა, ხოლო მაიკლ კონლიმ თავი 15 ქულას მოუყარა.
????| Bojan was CLUTCH #TakeNote ⤵️ pic.twitter.com/PVoA56TS47
— Utah Jazz (@utahjazz) November 7, 2019
„ფილადელფიას“ მხრიდან 27 ქულითა და 16 მოხსნით ჯოელ ემბიდი გამოირჩა. ჯოშ რიჩარდსონმა შეხვედრა 24 ქულით დაასრულა. ტობაიას ჰერისმა კი გუნდს 16 ქულა შესძინა.
With the touch. pic.twitter.com/3updosdYh0
— Philadelphia 76ers (@sixers) November 7, 2019
სხვა მატჩების შედეგები
დეტროიტი - ნიუ იორკი 122 – 102
ინდიანა - ვაშინგტონი 121 – 106
ატლანტა - ჩიკაგო 93 – 113
ტორონტო - საკრამენტო 124 – 120
მემფისი - მინესოტა 137 – 121
დალასი - ორლანდო 107 – 106