"ინდიანა" "შარლოტთან" ოვერტაიმში დამარცხდა - გოგამ პარკეტზე 31:48 წუთი გაატარა
გოგა ბითაძის „ინდიანა პეისერსის“ წარმატებული სვლა ჩრდილოეთ კაროლინაში შეწყდა, სადაც ქართველი კალათბურთელის გუნდი „შარლოტ ჰორნეთსს“ შეერკინა და დაძაბულ ბრძოლაში - 120-122 დამარცხდა.
„ინდიანამ“ მატჩი შესანიშნავად დაიწყო და პირველ მეოთხედში მეტოქეზე 15-ით მეტი ქულა ჩააგდო. მეორე თორმეთწუთეული უკეთ მასპინძლებმა ჩაატარეს, თუმცა „პეისერსი“ დიდ შესვენებაზე მაინც კომფორტული - 7 ქულიანი უპირატესობით გავიდა.
Malcolm showing off the vision, feeding @TonyWarrenJr to get us started.
— Indiana Pacers (@Pacers) November 6, 2019
Tune in to #Pacers at Hornets now to @FSIndiana ???? or FOX Sports Go ???? https://t.co/x1l7Ft22hV pic.twitter.com/T2Xn3hH32w
მეორე ნახევრის სტარტზე ინიციატივას ნეით მაკმილანის შეგირდები ფლობდნენ და გადამწყვეტ მეოთხედს 14 ქულიანი ჰანდიკაპითაც შეხვდნენ, მაგრამ „ჰორნეთსმა“ ფარ-ხმალი არ დაყარა, მეოთხე მეოთხედში ჩამორჩენა აღმოფხვრა და „სპექტრამ ცენტრში“ შეკრებილმა გულშემატკივარმა ოვერტაიმი იხილა.
Hustle
— Indiana Pacers (@Pacers) November 6, 2019
+
Ball Movement
????????????#IndianaStyle pic.twitter.com/mjB099mXye
დამატებითი ხუთწუთეული ქულა ქულაში წარიმართა. საფინალო სირენამდე 5 წამით ადრე ჯერემი ლემბმა ანგარიში 120-120 გახადა, თუმცა „პეისერსმა“ ბოლო შეტევა ვეღარ მოიგერია. ჯაკარ სემპსონი დევონტე გრეჰემზე დაჯარიმდა. ამ უკანასკნელმა კი 3 საჯარიმოდან 2 გამოიყენა და თავის გუნდს მიმდინარე სეზონში მეოთხე გამარჯვება მოუტანა.
გოგა ბითაძე „ინდიანას“ სასტარტო ხუთეულში ზედიზედ მეორედ გამოჩნდა. ქართველმა ცენტრმა პარკეტზე თავისთვის სარეკორდო, 31 წუთი და 48 წამი გაატარა. გოგა მეტ სათამაშო დროსაც მიიღებდა, მაგრამ ოვერტაიმის დაწყებიდან ერთი წუთის შემდეგ მეექვსედ დაჯარიმდა და სათადარიგოთა სკამზე ნაადრევად გადაინაცვლა.
საბოლოოდ ბითაძემ მატჩი 6 ქულით დაასრულა, მიმდინარე სეზონში თავისთვის სარეკორდო, 11 მოხსნა გაიფორმა, 4 შედეგიანი გადაცემა მიითვალა და ზედიზედ მესამედ აქტივში 4 დაფარება ჩაიწერა. ბითაძემ 5-დან 3 ორქულიანი გამოიყენა, 2 სამიანი გააცუდა და ბურთი 3-ჯერ დაკარგა. აღსანიშნავია, რომ 20 წლის ქართველმა პლუს/მინუსის გრაფაში +15 დააფიქსირა, რაც „ინდიანას“ რიგებში საუკეთესო მაჩვენებელი გახლდათ.
აქვე გეტყვით, რომ „პეისერსს“ 33 ქულით ტი ჯეი უორენმა ულიდერა. მალკოლმ ბროგდონმა გუნდს 31 ქულა და 8 შედეგიანი გადაცემა შესძინა, ხოლო ჯერემი ლემბმა თავი 18 ქულას მოუყარა.
That's 15 points in the first half from T.J. Warren ???????????? pic.twitter.com/ep4vLfFobZ
— Indiana Pacers (@Pacers) November 6, 2019
„შარლოტთან“ განცდილი მარცხის შემდეგ „ინდიანა“ საშინაო კედლებს დაუბრუნდება და 7 ნოემბერს, თბილისის დროით 04:00-ზე „ვაშინგტონ უიზარდსს“ შეერკინება.