NBA - სპექტაკლი ვაშინგტონში, კარის ტრავმა და კონლის დაბრუნება
ვაშინგტონი - ჰიუსტონი 158 – 159
გამთენიისას „კაპიტალ უან არენაზე“ შეკრებილმა გულშემატკივარმა საკალათბურთო სპექტაკლი იხილა. ვაშინგტონელი ქომაგების ფავორიტი „უიზარდსი“ „ჰიუსტონ როქეთსს“ დაუპირისპირდა და მინიმალური სხვაობით დამარცხდა - 158 - 159.
„ვაშინგტონსა“ და „ჰიუსტონს“ დაცვა დიდად არ ანაღვლებთ და ეს რამდენიმე საათის წინ გამართულ შეხვედრაში მშვენივრად გამოჩნდა. გუნდებმა აქცენტი მხოლოდ შეტევაზე გააკეთეს და ჯამში 317 ქულა ჩააგდეს. თანაც ოვერტაიმის გარეშე.
.@JHarden13 doing work with 59 points tonight! ???? pic.twitter.com/zzGTns8GJn
— Houston Rockets (@HoustonRockets) October 31, 2019
“ჰიუსტონს“ 59 ქულით ჯეიმს ჰარდენმა ულიდერა. რასელ უესტბრუკმა სამმაგი დუბლი გაიფორმა - 17 ქულა, 10 მოხსნა, 12 შედეგიანი გადაცემა. კლინტ კაპელამ აქტივში ორმაგი დუბლი ჩაიწერა - 21 ქულა, 12 მოხსნა. დანუელ ჰაუს ჯუნიორმა კი 16 ქულა დააგროვა.
???? 46 points
— Washington Wizards (@WashWizards) October 31, 2019
???? 8 assists
???? 6 rebounds
What a night for @RealDealBeal23!#WizRockets | #RepTheDistrict pic.twitter.com/jDQzUXxbrk
„ვაშინგტონის“ მხრიდან საუკეთესო ბრედლი ბილი გახლდათ, რომელმაც 46 ქულა დააგროვა. რუი ჰაჩიმურამ 23 ქულა მიითვალა. დავის ბერტანსი კი 21 ქულას დასჯერდა.
გოლდენ სტეიტი - ფინიქსი 110 – 121
„გოლდენ სტეიტს“ სერიოზული პრობლემები აქვს. „მეომრებმა“ სეზონი ცუდად დაიწყეს და საშინელ სტარტს სტეფ კარის ტრავმაც დაემატა. „ოქროს ბიჭუნამ“ „ფინიქსთან“ დაპირისპირებაში მარცხენა ხელი მოიტეხა. „მეომრების“ ინფორმაციით უახლოეს მომავალში კარის ტესტებს ჩაუტარებენ და გაირკვევა ოპერაცია დასჭირდება თუ არა. სტეფის დაბრუნების შესახებ დაზუსტებით არაფრის თქმა შეგვიძლია.
Steph Curry heads to the locker room with an apparent wrist injury after taking a scary fall. pic.twitter.com/xt4fgp6Y4U
— NBA on ESPN (@ESPNNBA) October 31, 2019
„ფინიქსის“ წარმატების მთავარი შემოქმედი დევინ ბუკერი გახლდათ. ამ უკანასკნელმა 31 ქულა მიითვალა. ბუკერთან ერთად აარონ ბეინსი გამოირჩა, რომელმაც 24 ქულა, 13 მოხსნა და 7 შედეგიანი გადაცემა გაიფორმა. დარიო სარიჩმა გუნდს 16 ქულა შესძინა, ხოლო რიკი რუბიო 14 ქულით გამოირჩა.
BIRTHDAY BOY FROM D33P! ???? pic.twitter.com/woBQ0jiPR3
— Phoenix Suns (@Suns) October 31, 2019
„გოლდენ სტეიტის“ მხრიდან ერიკ პასკალმა 20 ქულა გაიფორმა. გლენ რობინსონ მესამემ თავი 17 ქულას მოუყარა. დეანჯელო რასელმა 15 ქულა დააგროვა. ვილი კოლი-შტაინმა კი შეხვედრა 12 ქულით დაასრულა.
იუტა - კლიპერსი 110 – 96
„იუტა ჯაზი“ წარმატებულ გამოსვლას განაგრძობს. „ჯაზმენებმა“ მეხუთე შეხვედრიდან მეოთხე მოიგეს და ამჯერად კავაი ლეონარდის გარეშე მოასპარეზე „კლიპერსს“ სძლიეს.
„იუტას“ ქომაგებისთვის დოკ რივერსის გუნდთან მოპოვებული გამარჯვება ორმაგად სასიხარულო გახლდათ. საქმე მაიკლ კონლის ეხება. ამ უკანასკნელმა პირველი სამი მატჩი საშინლად ჩაატარა და წარმატებული ასპარეზობა ჰაერივით ესაჭიროებოდა.
????| 55% from the field and 11-of-24 from three#LACatUTA highlights ⤵️ pic.twitter.com/riEUygeY4i
— Utah Jazz (@utahjazz) October 31, 2019
კონლიმ „კლიპერსთან“ ჯახში დაგვანახა, რომ ნაადრევი დასკვნების გამოტანა არ შეიძლება. „ჯაზმენების“ გამთამაშებელი ორივე გუნდის რიგებში საუკეთესო იყო და 29 ქულა დააგროვა. კავაი ლეონარდის არყოფნაში კი „კლიპერსს“ 24 ქულით ლუ უილიამსმა ულიდერა.
სხვა მატჩების შედეგები
კლივლენდი - ჩიკაგო 117 - 111
ორლანდო - ნიუ იორკი 95 - 83
ფილადელფია - მინესოტა 117 - 95
ბოსტონი - მილუოკი 116 - 105
ბრუკლინი - ინდიანა 108 - 118
ტორონტო - დეტროიტი 125 - 113
ოკლაჰომა - პორტლენდი 99 - 102
საკრამენტო - შარლოტი 111 - 118
