ზაზა ფაჩულიამ კარიერა დაასრულა და "გოლდენ სტეიტში" დაბრუნდა
"დეტროიტ პისტონსში" გატარებული სეზონის შემდეგ ზაზა ფაჩულია "გოლდენ სტეიტში" დაბრუნდა. უბრალოდ ამჯერად ქართველი ცენტრი კალათბურთელის ფუნქციებს არ შეითავსებს.
Welcome back, @zaza27!
— Golden State Warriors (@warriors) August 29, 2019
Zaza Pachulia has rejoined the Warriors as a Consultant. pic.twitter.com/d9CqtmeBYN
ზაზამ კარიერა დაასრულა და ადმინისტრაციულ და საკალათბურთო საკითხებში "მეომრების" მრჩეველი გახდა. ეს ინფორმაცია "უორიორსმა" "ტვიტერის" საკუთარ გვერდზე გაავრცელა.
Warriors announce Basketball Operations promotions and additions pic.twitter.com/Lnf7D9odr2
— Warriors PR (@WarriorsPR) August 29, 2019
Big Z-მ ნაციონალურ საკალათბურთო ასოციაციაში 16 წელი გაატარა და "ორლანდო მეჯიქის", "მილუოკი ბაქსის", "ატლანტა ჰოქსის", "დალას მავერიქსის", "გოლდენ სტეიტ უორიორსის" და "დეტროიტ პისტონსის" ღირსებას იცავდა.
ფაჩულიას კარიერის საუკეთესო მომენტი სწორედ ოკლენდურ გუნდს უკავშირდება. "გოლდენ სტეიტთან" ერთად ქართველმა ცენტრმა NBA-ის ჩემპიონობა მიჯრით დაისაკუთრა.
გასულ სეზონში ჩვენებური 3.9 ქულას, 3.9 მოხსნასა და 1.3 შედეგიან გადაცემას აგროვებდა. მისი კარიერული მაჩვენებლები კი ასე გამოიყურება - 6.8 ქულა, 5.8 მოხსნა, 1.3 ასისტი. ზაზას ნაციონალურ საკალათბურთო ასოციაციაში 1098 შეხვედრა აქვს ჩატარებული.
