მარიამ ბოლქვაძე ამერიკის ღია პირველობას ღირსეულად დაემშვიდობა
21 წლის ქართველი ჩოგბურთელი მარიამ ბოლქვაძემ ამერიკის ღია პირველობაზე გამოსვლა ღირსეულად დაასრულა.
ბოლქვაძე მსოფლიოს მე-3 ჩოგანს ჩეხ კაროლინა პლიშკოვას დაუპირისპირდა და 2 სეტში 1:6, 4:6 დამარცხდა.
შეხვედრა 1 საათსა და 8 წუთს გაგრძელდა. აღსანიშნავია, რომ მარიამს ფეხის ტრავმა აწუხებდა და 100%-ით მზად არ იმყოფებოდა.
მარიამ ბოლქვაძემ US Open-ზე მეორე წრეში მოხვედრით 50 სარეიტინგო ქულა და 100 ათასი დოლარი გამოიმუშავა.
შეგახსენებთ, რომ ბოლქვაძემ ისტორიული გამარჯვება ჩინელ შილინ სიუსთან დაპირისპირებაში მოიპოვა. მარიამმა 2 საათსა და 15 წუთში 6:4, 2:6, 6:4 იმარჯვა.
შემდეგ 21 წლის ქართველი ადგილობრივ ბერნარდა პერას დაუპირისპირდა, რომელიც მასზე 3 წლით უფროსი გახლდათ, ხოლო WTA-ს რეიტინგში ბევრად წინ, 65-ე ადგილზე იმყოფებოდა (ბოლქვაძე 202-ეა). ჩოგბურთელები ერთმანეთს პირველად ხვდებოდნენ. შეხვედრა მარიამის გამარჯვებით 6:3; 5:7; 6:4 დასრულდა.