ბასილაშვილმა კანადაში მოგებით დაიწყო
ნიკოლოზ ბასილაშვილმა მონრეალის მასტერსი გამარჯვებით დაიწყო.
ტურნირის პირველ წრეში ქართველმა ჩოგბურთელმა მსოფლიოს 28-ე ჩოგანი დუშან ლაიოვიჩი ანგარიშით 3:6, 6:4, 6:4 დაამარცხა.
აღსანიშნავია, რომ ქართველი ჩოგბურთელი მეორე და მესამე სეტს 1:3-ს აგებდა.
ბასილაშვილი ლაიოვიჩს მეხუთედ შეხვდა და მეოთხედ სძლია.
მეორე წრეში ნიკოლოზი გერმანელ იან-ლენარდ შტრუფს შეხვდება, რომელმაც თავის შეხვედრაში ფრანგ ჟო-ვილფრიდ ცონგას ანგარიშით 6:2, 6:2 მოუგო.
ტურნირის საპრიზო ფონდი 5 701 945 დოლარია.