ლილიან ტურამის ვაჟი "გლადბახში" ითამაშებს
21 წლის ფრანგი შემტევი, მარკუს ტურამი, "გინგამიდან" გერმანულ "გლადბახში" გადავიდა და ახალ კლუბთან 4-წლიანი კონტრაქტი გააფორმა.
ლილიან ტურამის ვაჟი მიონხენგლადბახში ჩავიდა, სამედიცინო შემოწმება გაიარა და "გლადბახის" ფეხბურთელის რანგში პირველი ფოტოებიც გადაიღო. აღსანიშნავია, რომ "დორტმუნდში" გადაბარგებული ტორგან აზარის შემდეგ ტურამი ბორუსიელთა 10-ნომრიანი მაისურის ახალი მფლობელი იქნება.
Medical complete ????
— Gladbach (@borussia_en) July 22, 2019
Tour of the new home ????️
Pen to paper ✍️
Our new number 10 @MarcusThuram begins life as a Foal ????????#DieFohlen pic.twitter.com/uxkfmeCjfG
სატრანსფერო თანხად 8.1 მილიონი ევრო სახელდება, არადა თავად "გინგამმა" ტურამი მხოლოდ 540 ათას ევროდ შეიძინა.
მარკუს ტურამი "სოშოს" სკოლის აღზრდილია, "გინგამში" კი 2017 წლიდან თამაშობდა. ლიგა 1-ის გასულ სეზონში მან 32 მატჩში გატანილი 9 გოლით გამოიჩინა, თუმცა გინგამელები გავარდნისგან ვერ იხსნა.
