"მანჩესტერი" მილინკოვიჩ-სავიჩის ტრანსფერისთვის კიდევ ერთ წინადადებას ამზადებს
“მანჩესტერ იუნაიტედი“ სერგეი მილინკოვიჩ-სავიჩის ტრანსფერზე მუშაობას აგრძელებს და „ლაციოს“ ახალ შეთავაზებას უმზადებს.
Sky Sport Italia-ს ცნობით, რომაელებმა 80-მილიონიანი წინადადება დაბლოკეს და მოთხოვნილ 100 მილიონ ევროს ფეხს არ უცვლიან. გამოცემა ვარაუდობს, რომ „იუნაიტედის“ მორიგი შეთავაზება 90-დან 100 მილიონ ევროს ოდენობის იქნება.
24 წლის სერბ ნახევარმცველს „ინტერი“, „იუვენტუსი“ და პსჟ-ც ეპატიჟებიან, თუმცა მათგან განსხვავებით, „წითელ ეშმაკებს“ გარკვეული ნაბიჯები უკვე გადადგმული აქვთ.
სერგეი მილინკოვიჩ-სავიჩს „ლაციალესთან“ კონტრაქტი 2023 წლის ზაფხულამდე აკავშირებს.