რომის ტურნირი მოქმედი ჩემპიონის გარეშე გაგრძელდება
მამაკაცების პარალელურად, რომში ქალ ჩოგბურთელთა ტურნირი მიმდინარეობს, რომლის გუშინდელი სათამაშო დღის ცენტრალური შეხვედრა ვიქტორია აზარენკასა და ელინა სვიტოლინას შორის შედგა.
რომის ტურნირის ბოლო 2 წლის ჩემპიონმა სვიტოლინამ პირველი სეტი 6:4 მოიგო, თუმცა შემდეგ უპირატესობა დათმო და 6:4; 1:6; 5:7 დამარცხდა. აზარენკას კი რთული ბადე აქვს და, შესაძლოა, შემდეგ წრეში გარბინ მუგურუსას შეხვდეს.
კრისტინა მლადენოვიჩისა და კაროლინ გარსიას ფრანგულ დაპირისპირებაში გამარჯვება მლადენოვიჩს დარჩა, რომელმაც მეტოქეს მხოლოდ 3 გეიმი დაუთმო და 6:1; 6:2 იმარჯვა, რითაც შემდეგ რაუნდში ბელინდა ბენჩიჩზე გავიდა.
გათამაშებას გამოეთიშა კაროლინ ვოზნიაცკი, იგი ამერიკელ დანიელ როუზ კოლინზს პირველი სეტის წაგების შემდეგ ტრავმის გამო დანებდა. კაროლინა პლიშკოვამ კი ავსტრალიელ აილა ტომლიანოვიჩს 2 სეტში იოლად მოუგო.
შემდეგ წრეში ითამაშებენ ჯულია გერგესი, ეშლი ბარტი, კარლა სუარეს ნავარო და დარია კასატკინა, ელენა ოსტაპენკომ კი მიხაელა ბუზარნესკუსთან თამაშის ჩამთავრება ვერ შეძლო და ტურნირიდან მოეხსნა.