ევროლიგის სუპერთასი - შენგელიას დებიუტი დუბაიში და მარცხი რეალთან

საქართველოს კალათბურთელთა ნაკრების კაპიტანმა, თორნიკე შენგელიამ „დუბაის“ შემადგენლობაში პირველი ოფიციალური მატჩი ჩაატარა, მისი გუნდი კი ევროლიგის სუპერთასის ნახევარფინალში მადრიდის „რეალთან“ დამარცხდა (95:98).

პირველი მეოთხედი „დუბაიმ“ აქტიურად დაიწყო, 14 ქულითაც დაწინაურდა და საბოლოოდ მეოთხედი 27:18 მოიგო. მეორე მეოთხედში შენგელიას გუნდის უპირატესობა 16 ქულამდეც გაიზარდა, თუმცა მადრიდელებმა სხვაობის შემცირება მოახერხეს და პირველი ნახევარი „დუბაიმ“ მხოლოდ 43:42 მოიგო.

მესამე მეოთხედი „რეალმა“ უკეთესად ჩაატარა და ერთქულიან უპირატესობასაც მიაღწია (64:63), ხოლო ბოლო ათწუთეულში ორივე გუნდმა დაძაბული ბრძოლა შემოგვთავაზა - 88:88 და ოვერტაიმი, სადაც უკეთესი „სამეფო კლუბი“ იყო - 98:95

რაც შეეხება შენგელიას, ქართველმა კალათბურთელმა პარკეტზე 25:05 წუთი გაატარა და გუნდს 11 ქულით, 5 მოხსნით, 1 შედეგიანი გადაცემითა და 2 ჩაჭრით დაეხმარა.

სუპერთასის ფინალში „რეალის“ მეტოქე „ოლიმპიაკოსი“ იქნება, „დუბაი“ კი მესამე ადგილისთვის მატჩში ხვალ „ფენერბაჰჩეს“ დაუპირისპირდება.