ვინ უნდა იჩხუბოს გეიჯისთან - მაიკლ ბისპინგის პოზიცია
UFC-ის ლეგენდარულმა მებრძოლმა, ყოფილმა ჩემპიონმა და ამჟამად ამავე ორგანიზაციის კომენტატორმა, მაიკლ ბისპინგმა მსუბუქ წონით დივიზიონში შექმნილ ვითარებაზე ისაუბრა.
„ვინ იქნება გეიჯის მომდევნო მეტოქე - თოფურია თუ ცარუკიანი? ჩემი აზრით, არმან ცარუკიანის იგნორირება უკვე შეუძლებელია. ვფიქრობ, თოფურია პედი პიმბლეტთან იჩხუბებს.
არ მჯერა, რომ გეიჯი კარიერას დაასრულებს. მას ოქტაგონში კიდევ ვნახავთ. ერთხელ, ორჯერ თუ სამჯერ - არავინ იცის. მინდა, რომ ჯასტინი დაბრუნდეს და შესაძლოა, მის მიერ არჩეული პიარ-სტრატეგია გამართლებულიც აღმოჩნდეს.
ვფიქრობ, წლის ბოლომდე ოფიციალურად გახდება ცნობილი, რომ ჯასტინ გეიჯი სატიტულო ჩხუბში არმან ცარუკიანს დაუპირისპირდება“.
ცნობისთვის, პიმბლეტი-თოფურიას შესაძლო ბრძოლაზე რამდენიმე დღის წინ UFC-ის პრეზიდენტ დენა უაითსაც ჰკითხეს, მან კი განაცხადა, რომ „ეს იდეა მოსწონს, თუმცა ბრძოლების ჩანიშვნისას ბევრი ფაქტორია გასათვალისწინებელი“.
