თბილისის თასი - შავმა ლომმა აირლინკ პუმასი დაამარცხა

შავმა ლომმა თბილისის თასზე მეორე მატჩი გამართა და „აირლინკ პუმასს“ 21:19 მოუგო.

მატჩში ანგარიში ქართველებმა გახსნეს - „შავი ლომის“ ლელო ვახტანგ ჯინჭარაძემ დადო. თუმცა არგენტინულმა გუნდმა მალევე გამოასწორა მდგომარეობა და პირველ ტაიმში ორი ლელო გაიტანა. შედეგად, შესვენებაზე „აირლინკ პუმასი“ 12:7 იგებდა.

მეორე ნახევრის დაწყებისთანავე „შავმა ლომმა“ მეტოქის ნახევარზე ზეწოლა გაზარდა და უპირატესობაც მალევე მოიპოვა. ოთარ გიორგაძემ შეხვედრაში საკუთარი მეორე ლელო დადო და ქართველებმა ანგარიში 14:12 გახადეს.

„აირლინკ პუმასმა“ კი მატჩის მიწურულს კვლავ იაქტიურა და კიდევ ერთი ლელოს წყალობით 19:14 დაწინაურდა. თითქოს გამარჯვება არგენტინელებს დარჩებოდათ, თუმცა „შავმა ლომმა“ ბოლო წუთებში თამაში შემოატრიალა.

საფინალო სასტვენამდე რამდენიმე წამით ადრე ქართველებმა კიდევ ერთი ლელო დადეს და ანგარიში გაათანაბრეს. გადამწყვეტი დარტყმა ლუკა ცირეკიძემ შეასრულა — მან გარდასახვა ზუსტად დაარტყა და „შავ ლომს“ 21:19 გამარჯვება მოუტანა.