ოსაკასთან დამარცხდა - საბალენკა უიმბლდონს დაემშვიდობა

უიმბლდონის მერვედფინალში არინა საბალენკა ნაომი ოსაკას დაუპირისპირდა და ორ სეტში 2:6 6:7 დამარცხდა.

პირველმა სეტმა მთლიანად ოსაკას უპირატესობით ჩაიარა. იაპონელმა ჩოგბურთელმა მე-3 და მე-5 გეიმებში ბრეიკი შეასრულა და გარდამტეხი უპირატესობა მოიპოვა, რის ხარჯზეც სეტი მისთვის ლოგიკურ დასასრულამდე მიიყვანა.

მეორე სეტში საბალენკა უკეთესი იყო. საკუთარი ჩაწოდება არ წაუგია და გამარჯვებულის ბედი ტაი-ბრეიკმა გამოავლინა.

არინამ ტაი-ბრეიკი მთლიანად ჩააგდო. ოსაკა სრულ უპირატესობას ფლობდა და 7:2 გაიმარჯვა.

შეგახსენებთ, რომ გუშინ უიმბლდონს ელენა რიბაკინაც დაემშვიდობა, რომელიც მერტენსთან დამარცხდა.

აქედან გამომდინარე, უიმბლდონს WTA რეიტინგის პირველი და მეორე ნომრები აღარ ჰყავს.