„მათი დაპირისპირება უნდა შედგეს“ - ალექსანდრე თოფურიას მოსაზრება
2026 წელს შერეული ორთაბრძოლების ყველაზე პრესტიჟული ორგანიზაციის UFC-ის ორი უმნიშვნელოვანესი მოვლენა ბუნებრივია თეთრი სახლის ისტორიული ღონისძიება და სპორტის ამ სახეობაში ლეგენდარული კონორ მაკგრეგორის დაბრუნება გახლავთ. ირლანდიელის მეტოქე ერთ თვეში მაქს ჰოლოუეი იქნება, ხოლო UFC Freedom-ის მთავარი ჩხუბის ფავორიტი ილია თოფურია გახლავთ, რომლის ძმამაც საკმაოდ საინტერესო კომენტარი გააკეთა.
ალექსანდრე თოფურია
რამდენიმე დღის წინ ილიას ვუთხარი, რომ ილოცოს მაკგრეგორის გამარჯვებისთვის და როდესაც ამის მიზეზი მკითხა, მე ვუპასუხე: „თუ ჰოლოუეის მოუგებს, შენ მასთან უნდა იბრძოლო“.
ეს იქნება ძალიან საინტერესო ჩემთვის, მისთვის და მთელი მსოფლიოსთვის. უბრალოდ წარმოიდგინეთ - ამდენწლიანი პაუზის შემდეგ დაბრუნებული კონორი ამარცხებს მაქსს… ის აუცილებლად მოითხოვს ილიასთან შეხვედრას.
შეგახსენებთ, რომ ილია თოფურია თბილისის დროით ორშაბათს გამთენიისას UFC Freedom-ის ღონისძიების მთავარ ბრძოლაში, მსუბუქ წონაში მოპოვებული ტიტულის დაცვას პირველად შეეცდება და მისი მეტოქე დროებითი ჩემპიონი სტატუსის მქონე ჯასტინ გეიჯი იქნება, რომელმაც იანვარში პედი პიმბლეტი დაამარცხა.
