ალექს პერეირა დაიცვა | თოფურიას ჯოშ ჰოკიტთან დაპირისპირება მოუვიდა
UFC Freedom 250 არის ღონისძიება, რომელსაც თბილისის დროით 15 ივნისს აშშ-ის პრეზიდენტის რეზიდენცია, „თეთრი სახლი“, უმასპინძლებს. მისი მთავარი მოვლენა ილია თოფურიასა და ჯასტინ გეიჯის ბრძოლაა. ღონისძიების წინ გამართულ ერთ-ერთ პრესკონფერენციას ინციდენტის გარეშე არ ჩაუვლია და მისი მთავარი მონაწილე „ელ მატადორია“.
მძიმე წონითი დივიზიონის მებრძოლმა, ჯოშ ჰოკიტმა, ალექს პერეირაზე უხეშად ისაუბრა: „პერეირას მხოლოდ კი არ დავამარცხებ, მასზე მოვისაქმებ. ალექს, დედაშენს „შამას“ გავუკეთებ. ეს ტიპი დედამიწაზე ყველაზე მაგარ და ძლიერ კაცად ითვლება და ნახეთ, როგორ ველაპარაკები — როგორც ჩემს ძაღლსა და ძუკნას, ისე ვექცევი. რას გააკეთებს? ვერაფერს იზამს!“
პერეირას პასუხი ასეთი იყო: „რამდენიმე დღის წინ ინტერვიუს ვაძლევდი. ამ ტიპმა გვერდზე გამიარა და რაღაცები მითხრა. მივტრიალდი, თვალებში ჩავხედე და ვუთხარი: „შამა!“
„პოატანის“ სიტყვების შემდეგ ჰოკიტმა იგივე სტილში საუბარი გააგრძელა. ილიამ ალექსი სწორედ ამ დროს დაიცვა, რის შემდეგაც ჯოშმა მისი მისამართით თქვა: „ვინ ჯანდაბა ხარ? წადი შენი! წადი შენი, შე პატარა ძუკნა! ნამდვილი BMF მე ვარ, შე პატარა ჯუჯავ. წადი შენი!“
„წადი შენი, შე პატარა ძუკნა! დაჯექი! ეს ტიპი აქედან გაიყვანეთ“ — უპასუხა თოფურიამ, შემდეგ კი სცადა, მისთვის წყალი შეესხა. UFC-ის დაცვის სამსახურის წარმომადგენლებმა ჰოკიტი სცენიდან გაიყვანეს, ალექსმა კი ილიას, პატივისცემისა და დაფასების ნიშნად, ხელი ჩამოართვა.
