მამაგეიშვილი კიტეიშვილმა შეცვალა - შტურმმა რაპიდთან მოიგო

ავსტრიის ბუნდესლიგის 25-ე ტურში, ოთარ კიტეიშვილისა და გიზი მამაგეიშვილის „შტურმი“ სტუმრად „რაპიდს“ დაუპირისპირდა და დამაჯერებლად, 2:0 დაამარცხა.

ქართველებიდან სასტარტო შემადგენლობაში გიზი მამაგეიშვილი იყო. 22 წლის ნახევარმცველმა მოედანზე 73 წუთი გაატარა და მთავარმა მწვრთნელმა ოთარ კიტეიშვილით შეცვალა.

ამ დროის განმავლობაში მამაგეიშვილის სტატისტიკა ასეთი იყო - ბურთთან 22 შეხება, კარისკენ ერთი არაზუსტი დარტყმა. 10-დან 8 ზუსტი პასი, 1 საკვანძო პასი, 1 ზუსტი გრძელი პასი, 1 მოგებული ორთაბრძოლა. Sofascore-ის შეფასება - 5.9 ქულა.

რაც შეეხება კიტეიშვილს, ქართველმა ნახევარმცველის მონაგარი მოედანზე შემოსვლის შემდეგ ასეთი იყო - ბურთთან 12 შეხება, 6-დან 4 ზუსტი პასი, 1 საკვანძო პასი. ერთი არაზუსტი დარტყმა. Sofascore-ის შეფასება - 6.4 ქულა.

25 ტურის შემდეგ „შტურმი“ ბუნდესლიგის საჩემპიონო ცხრილში 26 ქულით პირველ ადგილზე იმყოფება. ქართველების გუნდი მომდევნო შეხვედრას 12 აპრილს, საკუთარ მოედანზე „ჰარტბერგის“ წინააღმდეგ გამართავს.