„თეთრ სახლში ჩხუბი ნამდვილად დაიმსახურა“ - ომალი თოფურიაზე
UFC-ის სუპერმსუბუქი წონითი დივიზიონის მებრძოლმა და ყოფილმა ჩემპიონმა, შონ ომალიმ თავის Youtube-არხზე ილია თოფურიას შესახებ ისაუბრა და განაცხადა, რომ „ელ მატადორმა“ თეთრი სახლის ივენთზე ჩხუბი დაიმსახურა.
რას ამბობს ომალი:
„ილიამ ზედიზედ სამი ლეგენდა, დიდების დარბაზის სამი წევრი დაანოკაუტა, ამიტომ თეთრ სახლში ჩხუბს 100%-ით იმსახურებს. ეს ნამდვილად ეკუთვნის.“
შეგახსენებთ, რომ თეთრ სახლში, ილია თოფურიასა და ჯასტინ გეიჯის საჩემპიონო ჩხუბი 13 ივნისს გაიმართება. ილია თოფურია მსუბუქი წონითი დივიზიონის მოქმედი ჩემპიონია, ჯასტინ გეიჯი კი დროებითი ჩემპიონი.
