რონალდუს პროტესტის ფონზე | ბენზემამ სადებიუტო მატჩში ჰეთ-თრიქი შეასრულა
საუდის არაბეთის პრო ლიგის 21-ე ტურში „ალ-ჰილალი“ სტუმრად „ალ-ოხდუდს“ დაუპირისპირდა. სატურნირო ცხრილის ლიდერმა ფენომენალური თამაში აჩვენა და მეტოქე 6:0 გაანადგურა.
„ალ-ჰილალის“ ექვსი გოლიდან სამი კარიმ ბენზემას ანგარიშზეა. ფრანგმა თავდამსხმელმა საუდური კლუბის რიგებში სადებიუტო შეხვედრა ჩაატარა და ბრწყინვალე შთაბეჭდილება დატოვა. ბენზემა პოკერთანაც ახლოს იყო, თუმცა მალკომმა შეუშალა ხელი.
როგორც მოგეხსენებათ, ბენზემას „ალ-ჰილალში“ გადასვლის გამო კრიშტიანუ რონალდუს პროტესტი აქვს. პორტუგალიელი სუპერვარსკვლავი თვლის, რომ საუდის არაბეთის სუვერენული ფონდი უპირატესობას „ალ-ჰილალს“ ანიჭებს და სამართლიან კონკურენციას არღვევს.
ბოლო საათებში დაიწერა, რომ რონალდუ წასვლის ვარიანტსაც განიხილავს. პორტუგალიელმა საუდის არაბეთის ლიგის მაღალჩინოსნებს შეატყობინა, რომ ტრანსფერებთან დაკავშირებული სიტუაციით უკმაყოფილების გამო მზად არის ქვეყანა დატოვოს. „ალ-ნასრთან“ დაახლოებული წყაროს თქმით, ფეხბურთელი მიიჩნევს, რომ მას უღალატეს.
ბოლო საათებში დაიწერა, რომ რონალდუ წასვლის ვარიანტსაც განიხილავს. პორტუგალიელმა საუდის არაბეთის ლიგის მაღალჩინოსნებს შეატყობინა, რომ ტრანსფერებთან დაკავშირებული სიტუაციით უკმაყოფილების გამო მზად არის ქვეყანა დატოვოს. „ალ-ნასრთან“ დაახლოებული წყაროს თქმით, ფეხბურთელი მიიჩნევს, რომ მას უღალატეს.
