„რონალდუ უკვე წაგებული კარტია, უნდა წავიდეს“ - ალ-ნასრის ყოფილი პრესატაშე
„ალ-ნასრის“ ყოფილმა პრესატაშემ, საუდ ალ-სარამიმ გამოთქვა ვარაუდი, რომ ზამთრის სატრანსფერო ფანჯრის დროს კრიშტიანუ რონალდუმ შესაძლოა კლუბი დატოვოს.
„რონალდუ „ალ-ნასრში“ არანაირ ფუნქციას აღარ შეასრულებს, რაც უშუალოდ თამაშთან არ არის დაკავშირებული. არ გამოვრიცხავ, რომ ზამთარში მან კლუბი დატოვოს - ისევე, როგორც ეს ადრე ქარიმ ბენზემას შემთხვევაში მოხდა, თანაც მხოლოდ საკუთარი ინიციატივით.
რონალდუ უკვე წაგებული კარტია, მას „ალ-ნასრისთვის“ არანაირი სარგებლის მოტანა აღარ შეუძლია, ამიტომ ის უნდა წავიდეს“,
- განაცხადა ალ-სარამიმ Al-Arabiya FM-ის ეთერში.
პორტუგალიელი თავდამსხმელი საუდის არაბეთში 2023 წლიდან თამაშობს. რონალდუს ბოლო დროს კრიტიკოსები მოუმრავლდნენ. ბოლო შეხვედრის შემდგომ გამართულ პრესკონფერენციაზე რონის დაცვა გუნდის მთავარ მწვრთნელს ენჯ პოსტეკოგლუს მოუხდა.
