თვის საუკეთესო გოლის ავტორი | წიტაიშვილის აღიარება საფრანგეთში
„მეცის“ ქართველი ფეხბურთელი, გიორგი წიტაიშვილი საფრანგეთის ლიგა 1-ის თვის საუკეთესო გოლის ავტორი გახდა. „წიტა“ დეკემბრის საუკეთესო გოლის ნომინაციაზე იყო წარდგენილი და მის მიერ „პარი სენ-ჟერმენის“ კარში გატანილი ბურთი გამოარჩიეს.
„გიორგი წიტაიშვილმა თვის საუკეთესო გოლის ჯილდო მოიგო დეკემბერში. გილოცავ“, - აცხადებს ლიგა 1-ის ოფიციალური გვერდი სოციალურ ქსელში. აღსანიშნავია, რომ პოსტში სიტყვა „გილოცავ“ ქართულად არის დაწერილი.
???????? Giorgi Tsitaishvili remporte le #ButduMois de décembre ????
— Ligue 1 McDonald's (@Ligue1) January 9, 2026
???? გილოცავ ???? pic.twitter.com/FtBq4P0dW7
ცნობისთვის, წიტაიშვილს ლიგა 1-ის მიმდინარე სეზონში 17 შეხვედრა აქვს ჩატარებული. მის ანგარიშზე 2 გოლი და 1 საგოლე გადაცემაა. „წიტამ“ „ბრესტსა“ და „პარი სენ-ჟერმენს“ გაუტანა, ხოლო პარიზელებთან მატჩში ასისტი მიითვალა.
