„წლის მებრძოლი მერაბი, წლის ნოკაუტი ლოპესი...“ - ბელალმა წელი შეაჯამა
ქვესაშუალო წონის ყოფილმა ჩემპიონმა ბელალ მუჰამედმა 2025 წელი შეაჯამა.
ბელალმა დაასახელა წლის ნოკაუტი, ახალგაზრდა ვარსკვლავი, წლის საბმიშენი (მტკივნეული ილეთი), და წლის მებრძოლი.
წლის ნოკაუტი: დიეგო ლოპესი ჟან სილვას წინააღმდეგ (UFC Fight Night 259).
წლის ახალგაზრდა ვარსკვლავი: ფარეს ზიამი.
წლის საბმიშენი (მტკივნეული ილეთი): იუსეფ ზალალის გამარჯვება ჯოშ ემეტის წინააღმდეგ - მტკივნეული ილეთი იდაყვის სახსარზე (4 ოქტომბერი).
წლის მებრძოლი: მერაბ დვალიშვილი.
აქვე გეტყვით, რომ მერაბი წლის მებრძოლად ESPN-მაც დაასახელა. ავტორიტეტული პორტალის ვებგვერდზე ჩატარებულ გამოკითხვაში „მანქანამ“ ალექს პერეირას, ისლამ მახაჩევსა და ილია თოფურიას აჯობა.
