დემეტრაშვილის ბრინჯაო - სამი მედალი გრანდ სლემზე

ირაკლი დემეტრაშვილი აბუ-დაბიში გამართული ძიუდოს გრანდ სლემის ბრინჯაოს პრიზიორია. მესამე ადგილისთვის შეხვედრაში აზერბაიჯანელი ჯამალ გამზატხანოვი დაამარცხა. 23 წლის ქართველმა ჯუდოკამ შეჯიბრება მერვედფინალში გერმანელი ლოსეინ კონეს ძლევით დაიწყო, რასაც მეოთხედფინალში აზერბაიჯანის სახელით მოასპარეზე ქართველი სპორტსმენის უშანგი კოკაურის დამარცხება მოჰყვა. ფინალში გადასასვლელ შეხვედრაში კი დემეტრაშვილმა მონღოლ გონჩიგსურენ ბატხუიაგთან წააგო.

 

პრესტიჟულ გრანდ სლემზე გამოსვლა ქართველებმა საერთო ჯამში 1 ოქროსა და 2 ბრინჯაოს მედლით დაასრულა. ჩემპიონი 90 კილოგრამ წონით კატეგორიაში ორგზის ოლიმპიური ჩემპიონი ლაშა ბექაური გახდა, ხოლო ბრინჯაოს მედალს დემეტრაშვილის გარდა გიორგი სარდალაშვილი დაეუფლა, რომელიც 60 კილოგრამში გამოდიოდა.

ცნობისათვის, აბუ-დაბიში გამართულ შეჯიბრებაში კიდევ ხუთი ქართველი ჯუდოკა თემურ ნოზაძე (66 კგ), ლაშა შავდათუაშვილი (73 კგ), მიხეილ ბახბახაშვილი (73 კგ), დიმიტრი გოჩილაიძე (81 კგ) და ჯუმბერ მელაძე (81 კგ) ასპარეზობდნენ, თუმცა სამწუხაროდ ისინი უმედლოდ დარჩნენ.