დიდი წარმატება ტანვარჯიშში - ქართველი ევროპის ტექნიკური კომიტეტის პრეზიდენტია
ჩეხეთის დედაქალაქ პრაღაში გამართულ ევროპის ტანვარჯიშის რიგით 31-ე კონგრესზე სპორტის ამ სახეობაში ევროპის ტექნიკური კომიტეტის პრეზიდენტად ელისო ბედოშვილი აირჩიეს. ქართველმა ფუნქციონერმა დელეგატების ხმათა აბსოლუტური უმრავლესობით გაიმარჯვა და მას საპასუხისმგებლო პოსტი ჩააბარეს.
ბედოშვილი ამ თანამდებობაზე პრეზიდენტის მოვალეობის შემსრულებლად მარტიდან მუშაობდა, ახლა კი პოსტი უკვე ოფიციალურად ჩაიბარა. ტანმოვარჯიშის კარიერის დასრულების შემდეგ ელისო არბიტრის ფუნქციებს ითავსებდა და რამდენიმე თვის წინ საერთაშორისო კატეგორიის მსაჯის სტატუსიც მიენიჭა.
ცნობისათვის, ელისო ბედოშვილი ჯგუფურ ვარჯიშში მსოფლიოს თასის სამგზის მფლობელია და ევროპის ჩემპიონატზე სამივე სინჯის მედალი აქვს მოპოვებული. გარდა ამისა, ის ამჟამად ჩვენი ქვეყნის მხატვრულ ტანმოვარჯიშეთა ნაკრების მთავარი მწვრთნელის პოზიციაზე მუშაობს. ასევე იმსაჯა ტოკიოსა და პარიზის ოლიმპიადებზე, 2018 წელს კი საქართველოს სპორტის სამინისტრომ ქვეყნის წლის საუკეთესო ქართველ არბიტრად დაასახელა.
