„უქმად ჯდომით სატიტულო ჩხუბს ვერ მიიღებთ“ - დიეგო ლოპესმა კონკურენტებს მიმართა
მსუბუქის მსგავსად, UFC-ის ქვემსუბუქ წონით დივიზიონში საჩემპიონო ჩხუბის ჩანიშვნამ უდიდესი რეზონანსი გამოიწვია. ბევრი თვლის, რომ მოქმედ ჩემპიონს ალექსანდრ ვოლკანოვსკის ტიტული არა დიეგო ლოპესთან რემატჩში, არამედ დაუმარცხებელ მოვსარ ევლოევთან, ან ლერონ მერფისთვის ბრძოლაში უნდა დაეცვა. რამდენად სამართლიანია მისთვის ქამრის მოპოვების კიდევ ერთი შანსის მიცემა, ამასთან დაკავშირებით დიეგო ლოპესმა ასეთი კომენტარი გააკეთა:
„დენა უაითის ანონსის შემდეგ, რომელმაც ყველას ტირილი დააწყებინა, ჩემი სახე ღიმილით აღსავსე იყო. კონკურენტებს ერთს ვეტყოდი - თუ უსაქმოდ იჯდებით, სატიტულო ბრძოლას ვერასოდეს მიიღებთ. ამას აჯობებს საკუთარ თავზე უფრო მეტად იმუშავოთ და სოციალურ მედიაში წუწუნი შეწყვიტოთ“.
ცნობისათვის, დიეგო ლოპესის ერთ-ერთმა კონკურენტმა მოვსარ ევლოევმა ბოლოს 2024 წლის დეკემბერში იჩხუბა და ალჯამეინ სტერლინგი მსაჯების ერთსულოვანი გადაწყვეტილებით დაამარცხა. ამის შემდეგ ინგუში მებრძოლი ივლისში აარონ პიკოს უნდა დაპირისპირებოდა, თუმცა ბრძოლას ტრავმის გამო ჩაეხსნა და მის ნაცვლად ოქტაგონზე შესულმა ლერონ მერფიმ პიკო ნოკაუტით დაამარცხა და ამ უკანასკნელს 9-ბრძოლიანი მოგებათა სერია შეუწყვიტა.
