ტოპ 5 | ჟორჟ სენ-პიერმა UFC-ის საუკეთესო მებრძოლები დაასახელა
UFC-ის ლეგენდარულმა მებრძოლმა ჟორჯ სენ-პიერმა ორგანიზაციის საუკეთესო მებრძოლები დაასახელა. კანადელმა მოქმედი მებრძოლების ტოპ 5 შეადგინა და მის რჩეულებში ორი ქართველი მოხვდა.
„ისლამ მახაჩევი ტოპ 5-ში ადგილს ნამდვილად იმსახურებს. თოფურიაც საუკეთესოთა შორისაა. მერაბი და არმან ცარუკიანიც უნდა გამოვარჩიო. ჯონ ჯონსი აუცილებლად და ალექს პერეირასაც დავამატებდი.“
სენ-პიერმა ისლამ მახაჩევზეც ილაპარაკა და განაცხადა, რომ ხალხმა, ვინც ამბობს, რომ მახაჩევი მოსაწყენი მებრძოლია, MMA-ზე არაფერი იცის. მისი აზრით, ისლამმა ჯეკ დელა მადალენასთან ფენომენალური გამოსვლა აჩვენა და მარტივად წარმოაჩინა ის, რაც რეალურად ურთულესია.
ცნობისთვის, UFC-ის P4P რეიტინგში ამ მომენტისთვის პირველ ადგილს ისლამ მახაჩევი იკავებს. ილია თოფურია მეორეზეა. „ელ მატადორის“ შემდეგ მერაბ დვალიშვილი, ხამზატ ჩიმაევი და ალეშანდრე პანტოჟა მოდიან.
