„კარგი შანსია, ახალ ფეხბურთელებს დავაკვირდეთ“ | ქალთა ნაკრები მოლდოვას ხვდება
24 ოქტომბერს, საქართველოს ქალთა ეროვნული ნაკრები მოლდოვასთან პირველ ამხანაგური მატჩს გამართავს.
თამაშამდე ერთი დღით ადრე, სფფ-ის ტექნიკურ ცენტრ ბასაზე ჩვენმა გუნდმა მატჩისწინა ვარჯიში ჩაატარა. საწვრთნელ პროცესში 24 ფეხბურთელი მონაწილეობდა.
მოლდოვასთან პირველი ამხანაგური მატჩი დავით პეტრიაშვილი არენაზე გაიმართება და 19:00 საათზე დაიწყება. მატჩის პირდაპირ რეპორტაჟს საქართველოს პირველი არხი შემოგთავაზებთ.
საქართველოსა და მოლდოვის ქალთა ნაკრებების მეორე ამხანგური მატჩი 27 ოქტომბერსაა დაგეგმილი და მიხეილ მესხი 2-ზე შედგება. პირდაპირი რეპორტაჟი პირველი არხი სპორტის ეთერში იქნება.
ირის ანტმანი (საქართველოს ნაკრების მთავარი მწვრთნელი): "წინ ორი ამხანაგური მატჩი გველის მოლდოვის ნაკრებთან. ეს ჩვენი შესაძლებლობის მსგავსი გუნდია. მათი ფეხბურთელების უმეტესობა საზღვარგარეთ თამაშობს - სლოვაკეთში, ავსტრიაში, აშშ-სა და სხვა ქვეყნებში. ეს ჩვენთვის კარგი შესაძლებლობაა, დავაკვირდეთ ახალ ფეხბურთელებს. შევეცდები, რომ ყველა ვათამაშო.
რამდენიმე მოთამაშე ხანგრძლივი პაუზის შემდეგ უბრუნდება ნაკრებს. თამარ ტატუაშვილი ტრავმის შემდეგ გვიბრუნდება, ისევე როგორც ანა ჩემინავა. „ლანჩხუთიდან" შემოგვიერთდა ეთერ სულაშვილი, რაც ძალიან სასიხარულოა, ის კარგი მოთამაშეა. ტრავმების შემდეგ ასევე ბრუნდებიან ელენე ენჯიბაძე და თეონა სუხაშვილი. ასე რომ, გუნდში საკმაოდ ბევრი ცვლილებაა. ვნახოთ, თუ როგორ ჩაივლის შეკრება. შემდეგი მატჩები თებერვალში გველის. ეს ფანჯარა კი იმისთვის არის, რომ გუნდის გაუმჯობესების შესაძლებლობები შევისწავლოთ".
საქართველოს ნაკრების შემადგენლობა
მეკარე: თათია გაბუნია (ლანჩხუთი), სვეტლანა გაბელაია (ნიკე-ლუსო, თბილისი), თეონა სუხაშვილი (ნიკე-ლუსო, თბილისი), ეკა თაბაგარი (ელიტა, თბილისი)
დაცვა: გვანცა ქადაგიშვილი (ნიკე-ლუსო, თბილისი), მარიამ კალანდაძე (პანათინაიკოსი, საბერძნეთი), სოფიკო ნარსია (ნიკე-ლუსო, თბილისი), სალომე გასვიანი (ნიკე-ლუსო, თბილისი), თამარ ტატუაშვილი (ნიკე-ლუსო, თბილისი), ნინო ჩხარტიშვილი (ლანჩხუთი), ელენე ენჯიბაძე (ნიკე-ლუსო, თბილისი), ანი აკობიძე (ნიკე-ლუსო, თბილისი)
ნახევარდაცვა/თავდასხმა: ნინო პასიკაშვილი (კვარტალი, თბილისი), ანა ჩემინავა (ჰაპოელ თელ-ავივი, ისრაელი), ნათია დანელია (ნიკე-ლუსო, თბილისი), მაიკო ბებია (იუქსექოვასპორი, თურქეთი), კესო მეტონიძე (რაჭა, ამბროლაური), თინათინ ამბალია (სპარტა პრაღა, ჩეხეთი), ირინა ხაბურზანია (ნიკე-ლუსო, თბილისი), ლიზი მწყერაშვილი (ნიკე-ლუსო, თბილისი), ნათია ჯოჯუა (ნიკე-ლუსო, თბილისი), ეთერ სულაშვილი (ლანჩხუთი), თეონა ბაქრაძე (ნიკე-ლუსო, თბილისი), ნინო ბუხრიკიძე (ნიკე-ლუსო, თბილისი)
